إختيار السماعة الصح - 1

طبقا لمقياس السمع، السماعة اللي كنت لابسها مناسبة جدا. تعمل عليها قياس السمع، الدكتور يقولك السماعة كويسة. لكن أنا حاسس إن فيه نقص ما في السماعة أنا مش قادر أحدده كان بيعطيني إحساس إن السماعة مش كويسة.
لحد ما جه يوم وقررت أكتب بشكل محدد ايه هي المواقف اللي السماعة بتخذلني فيها. وكانت القائمة كالتالي..
١. السماعة لا تفيدني عند استخدام الهاتف المحمول.
٢. لا يمكن إستخدامها في حالة الإستماع إلى محاضرات مسجلة أو أونلاين. لازم أخلع السماعة الطبية عشان أعرف ألبس السماعة العادية اللي بتتوصل بالكمبيوتر وبالتالي اسمع الصوت ضعيف.
٣. لا أستطيع مجاراة الحوار والحديث أثناء ركوب السيارة بسبب صوت العربية وصوت الهواء الخارجي.
٤. لا أستطيع سماع المحاضر في المحاضرات أو الدورات التدريبية بوضوح خاصة في القاعات الكبيرة.
٥. لا أستطيع متابعة النقاش في الإجتماعات سواء اجتماعات العمل أو الاجتماعات العائلية.
٦. لا أستطيع المشاركة في الحوار في الأماكن العامة المزدحمة مثل المطاعم أو في الأفراح ذات الضجيج العالي.
٧. لا أستطيع مشاهدة التليفزيون إلا في مشاهدة الأفلام الأجنبية المترجمة.. "عرفت انها كانت نعمة بعد كده😁".
٨. في البحر صوت الهواء بيمنعني من سماع الشخص اللي باتكلم معاه.

بعد ما كتبت الكلام ده الدنيا نورت. وفهمت الخلل فين. وبدأت رحلة البحث عن السماعة الصح بنفسي.
#يتبع
#إختيار_السماعة_الصح